Во “Службен весник на РСМ” бр. 50 2022 се објави последното дополнување на Одлуката за превентивни препораки, времени мерки, наредни мерки, наменски протоколи, планови и алгоритми за постапување за заштита на здравјето на населението од заразната болест COVID-19 предизвикана од вирусот SARS-Cov-2, случаите и временскиот период на нивна примена (“Службен весник на Република Северна Македонија” бр.263/20 ..291/21).

Измените на Одлуката влегоа во сила од 8 март 2022 година.

Согласно измените:

– се укина мерката за задолжително поседување COVID-19 сертификат за влез во затворениот дел на  моловите, за кои останува како задолжително носењето заштитни маски,

– обврска за задолжително поседување на COVID-19 сертификат останува за влез во угостителските објекти каде што се служи храна/пијалак, кои се во состав на трговски центри/молови,

– траењето на сертификатот за прележана болест од COVID-19, наместо досегашните 45 дена, се продолжува на 180 дена од денот на оздравувањето,

– бремените жени повеќе не се ослободени од работа и работни обврски со физичко присуство на работното место,

– се укина барањето за задолжителен COVID-19 сертификат за излез од територијата на Република Северна Македонија.

Со измените се пропишаа и нови протоколи кои можете да ги погледнете во прилог.